Banner atan micron 100 aia pan hman phal a ni lo

Mizoram Pollution Control Board (MPCB) chuan, banner, poster leh a kaihhnawih thil dang atan plastic/PVC (flex) micron 100 aia pan hman khap a nih thu an tarlang a, flex print dawr neite chu micron 100 aia pan hmang lo turin a hriattir.

MPCB chuan, Plastic Waste Management (Amendment) Rules, 2021-in plastic/PVC (flex) micron 100 aia pan hman a khap tih tarlangin, "Banner, poster, etc. print nan plastic/PVC (flex) micron 100 aia pan hman khap a ni tih leh hmang lo turin kan inhriattir a. He thuchhuak zàwm lo chu Environment (Protection) Act, 1986 Section 5-in a sawi angin kum nga lung-in tàn emaw, Rs 1,00,000 chàwitir emaw, a pahnih emawa hrem theih a ni," an ti.

Dan zâwm loa bawhchhe chhunzawm zelte chu thupek an zawm hma zawng ni tin Rs 5,000 châwitir theih a nih thu an tarlang bawk.