PAN card number a ngai
Bank account-a Rs. 5,00,000 chin chung lam nei leh, November 9, 2016 hnua Rs. 2,00,000 aia tam bank account-a dah lutte chuan account an neihna bank-ah Permanent Account Number (PAN) card an neih emaw, Form 60 emaw an fill-up emaw a ngai a; chutianga ti lote chu account khawih chêt theih loha hrênsak an ni.
SBI hotute hnen aṭanga thu dawn danin, November 8, 2016-a sorkar laipuiin Rs. 500 leh Rs. 1,000 note a tihthih hnuah mi tinte bank account chu felfai zawka kalpui a nih theih nan leh sum thianghlim lo léng vel laka mipuite an fihlim theih nan PAN card number an neih emaw, Form 60 emaw an fill-up turin ruahmanna siam a ni.
Mahni bank account neihnaa PAN card number emaw, Form 60 emaw ziak lut lote chu Mumbai-a Corporate Centre aṭangin an bank account khawih chêt theih loha tihtawp lailâwk vek a nih avangin, mipuite chu a rang lama PAN card number emaw, Form 60 emaw ziak lut tura ngen an ni. Hetih lai hian, bank account-a pawisa tam tham nei lote chuan an tih ve kher a ngai lo thung.