Mitdelte football zirna hun siam

Indian Blind Football Federa­tion (IBFF), Mizo­ram Blind Society leh Tata Trusts-te chuan nimin khan Folk­land Park, Falkland Vengah Blind Football Orientation Camp an buatsaih a; MFA finance secretary Lalruatsanga Tochhawng-in a hmanpui.

Orientation camp hi Mizorama a vawi khatna a ni a, a buaipui turin Kochi, Kerala aṭangin IBFF hruaitute pahnih - Sunil Matthew leh MC Roy te an lo kal.

Sunil Mathew hi India Blind Football Team coach a ni a, ani hian camp chhungin mitdelte football a zirtir dawn a ni.

Camp chhim tur hian Shillong aṭang pawhin blind football team an lo kal a, an zingah hian India international player pahnih an awm.

Blind football hi mi pangain an khel ṭhin a, chu'ng zinga mi pali (out­field player)-te chu mitdel an ni a, goalkeeper erawh chu mitdel an ni lo thung.

Blind Football Orien­tation Camp hian vawiin thleng a awh dawn a; Mi­zoram team hian orienta­tion camp zawhah tournament khel turin Shillong an pan ang.