Kângmei vèn kawnga hmalak dan tur sawiho

Lawngtlai District Level Fire Prevention Committee (DLFPC) chu nimin khan an chairman Dr A Muthamma, Lawngtlai DC hoin a pisaah an ṭhukhawm a; kângmei vèn kawnga hmalak dan tur an sawiho.

Meeting-ah hian ram kâng tur ven nana mei dai phiah te, a zau thei ang bera kângmei ven chungchang inzirtir te, kângmei chhuak ṭhelhnaa nunna chán an awm chuan zangnadawmna ngaih­tuahsak te, kângmei ven kawnga thawk ṭha khua chawimawina pekte leh lo hâl theih hun chhung bituk leh khaw tina kala kângmei ven chungchang zirtirna buatsaihte an rêl. Awareness Campaign Sub-Committee an siam nghal bawk.

Fire Prevention Week 2017 hawnna chu February 6, 2017-ah Lawngtlai DC conference hall-a neih turin meeting chuan an rêl a ni.