Heroin leh ganja man
Mizoram police-a CID (Special Branch) leh Champhai police-te chuan, nimin zing khan Champhai Zote dáiah heroin gram 39 (hawng thum) an man a, a neitua puh Chingzaliani (40) w/o Zirthanga, New Champhai an man bawk. Heroin hi Rs. 1,50,000 vel hû a ni.
CID (Special Branch) leh Champhai police-te hian nimin zing dar 7 khan Champhai Zote dáiah vêk ganja kg. 24.45 leh a neitua puh Zamkhantuanga (40) s/o Langsuankama, Champhai Vengthar an man bawk a; ganja hi Rs. 52,800 man a ni.
CID(SB)-te chuan January 20 zan khan Sairang Zero Point-ah Rs. 3,50,000 hû heroin gram 93.02 (hawng sarih) leh a neitua puh Laldawngliana (29) s/o Natishona, Kanhmun an lo man tawh bawk a ni.
Champhaia Excise & Narcotics department chuan January 25 khan New Champhaiah heroin gram 33 (hawng hnih) leh a neitua puh Vankhawchhiari (35) d/o Kapkianlova, Champhai Electric Veng nia insawi an man.
Aizawla Excise & Narcotics hnuaia Anti-Narcotics Squad pawhin January 25 khan Rangvamualah ganja kg. 10 leh a neitua puh Thangrokhawli (34) d/o Laltinthanga (L), Senvawn, Manipur leh Lalzawmliani (47) d/o Kapkunga, Chaltlang North nia inchhálte an man a; January 25 tlai darah Edenthar Vengah ganja kg. 90 leh a neitua puh Manthianhuai (30) d/o Dalkhanpauva, Tuihmui, Myanmar an man bawk.