Ṭhalaite harsatna siamsakah Congress leh MNF sorkar puh

MPC ṭhalaite chuan thuchhuah siamin, Congress leh MNF party-te'n kum 30 sorkarna an chelh chhungin Mizo ṭhalaite mahnia an intun nun theihna tur khawp hna thawh tur ruahmansak kawngah tih an nei lo a, zirlaite an tibuai zawk hle niin an tarlang.

MPCY chuan, zirna in lem NIAS, Kolkata-a Kolkata-a Mizo zirlai 32-te'n buaina lian tak an tawh an bawkin, MNF sorkar lai, kum 2008-ah sorkar bultuma ITFT, Chandigarh-a zir tura kal Mizo ṭha-lai 100 chuangin buaina lian tak an lo tawk tawh tih an tarlang a ni.

MPCY chuan, Mizo thalaite tan a ngaihna hria leh hna thawk tak tak thei sorkar Mizoramin a mamawh tawh hle tih sawiin, "Congress leh MNF-ten an hlamchhiah vanga thalai beidawnga kun mekte kai harh leh a, an kawng sialsak turin MPC chuan theihtawp chhuahin hma a la zel dawn a ni," an ti.