Veterinary chawimawina 3-in dawng
Indian Veterinary Association chuan tun hnai khan World Veterinary Day 2022 pualin state hrang hranga veterinary profession-a hna thawk ṭhate hnenah chawimawina a hlân a, Mizoram aṭangin mi pathumin an dawng.
Mizoram aṭanga chawimawina dawngtute chu - Lifetime Achievement Award dawngtu Dr C Sangnghina, AH&Vety director hlui te, Best Veterinarian Award dawngtu Dr Lalbiakzuala Sailo leh Best Lady Veterinarian Award dawngtu Dr Esther Lalzoliani Ralte te an ni.
Indian Veterinary Asociation, Mizoram Branch chuan chawimawina dawngte an lawmpui thu leh an kal zelna turah duhsakna an hlan thu an tarlang.