Defence minister Russia-ah a zin

Defence minister Rajnath Singh chu ni thum cham turin nimin khan Russia-ah a zin. 

Russia-a cham chhung hian Russia sipai hotute kawmin, Indopui II-naa Soviet Union-in Germany a  hnehna champha vawi 75-na puala Moscow-a military parade neih tur chu a hmanpui bawk ang. 

Hripui leng vanga inkharkhipna kalpui a nih hnuah, thli li chhunga  union minister-in ram dang a tlawhna hmasa ber a ni. Rajnath Singh chuan Russia pana a chhuah hmain, defence lama ram pahnihte inkara inzawmna thuk zawk leh thawhdunna ṭha zawk siamna turin inbiakna ṭha tak an nei dawn tih a sawi. 

 

Moscow-a Victory Day Parade neihnaa tel tur hian tri-service member 75 awmna, Indian military contingent chuan Moscow an thleng tawh bawk a ni.