Maxicab chesualah mi pathum an thi

Nimin chawhma dar 10 rîk hma deuh khan Serchhip leh Aizawl inkara tlân maxicab 'MP' tih chu Aizawl aṭanga Serchhip an panna kawng­ah Phulmawi leh Khumtung inkarah chesualin, kawng thlang­ah a lum a, a hmunah mi pathum an thi.

Thu dawn danin, maxicab hi Dr Lalnun­hlima, Serchhip ta a ni a, driver nen mi panga an chuang a, a chetsual­naah hian kawng thlangah metre 300 vel a lum a ni.

A hmunah Linda Lalsang­zuali (25), Kola­sib Venglai, Lalhruai­tluanga, Sialhau leh Lalkhumi, Thén­tlang te an thi a; mi dang pahnih an hliam.

He chetsualnaah hian Phulmawi leh Khumtung bakah, a bul hnaia khaw mi tlawmngaite'n ruang an bawihsawm a, mitthite chu enfiah a nih hnuah an khaw lam panpui a ni.