Traffic SP-in lirthei tlân/dah Phal lohna hmun a puang

Aizawl Traffic SP C Lalthanmawia chuan thu­pek chhuahin, SIPMIU-in hna an thawh dawn vanga kawngpuia lirthei tlân leh dah phal lohna hmun leh hun tur a tarlang. Thupek hian rîkrum thil leh dan leh thupek kengkawhtute a huam lo.

Traffci SP tarlan danin, January 30 leh February 12 inkarah Ramrikawn leh Mizoram University inkar kawngpui dungah SIPMIU-in feeder main leh distribution network/T-3 hna an thawh dawn avangin kawngpui dung sir tawn tawnah zing dar 9 aṭanga tlai dar 5 thleng lirthei reng reng dah/hûn phal a ni dawn lo.

February 2-9 chhungin SIPMIU-in distribution network/T-2 hna an thawh dawn avangin Central Jail panna kawngpui dungah zing dar 9 aṭanga tlai dar 5 thlengin lirthei tlân phal a ni dawn lo bawk.