Hostel hawn phalna pe

Mizoram School Hostel Infrastructure, Facilities and General Care of Students (Manage­­ment) Rules, 2016 kengkawhtu State Level Monitoring Commi­ttee chu nimin khan School Education directorate conference hall-ah an ṭhukhawm a; mi 24 hnenah hostel hawn phalna a pe.

Meeting-ah hian district hrang hrang - Aizawl, Lunglei, Champhai, Lawngtlai leh Siaha district aṭanga hostel hawn dilna lut 58 thlirho a ni a; heng zinga 24-te chu dan anga thil an kalpui avangin hostel hawn phalna an pe.

Heng bakah hian hostel hawn dilna 44-te pawh monitoring team-in an enfiah mek a ni.