KHAWTHLIR

Eng awm dawn lo
PGCI chuan vawiin hian Luangmual leh Zuangtuia 132 KV Sub-Station inkara power line an siam ṭha dawn a, hei vang hian vawiinah zing dar 7 leh tlai dar 3 inkarah Serchhip district aṭanga chhim lam zawng bakah, Darlawn tlangdung leh Aizawl hmar lam vengte'n kawlphetha an nei thei dawn lo.

Sialsuk tlang tifai
Rhino Youth Adventure Club, Zotlang, Aizawl member-te chuan Republic Day pualin January 26, 2017 khan Siaksuk tlang thian faiin an hnatlang a, member ṭhanem tak an thawk chhuak.

Naupang chíl hlum
Nimin chhun dar 12 vel khan Sailulak khuaah LPK truck-in Lalrinngheta (7) s/o Lalthanzuala, Sailulak chu a chíl a, ká chhawn lohin a thi. LPK neitu hi Zemawia, East Lungdar nia thu dawn a ni.

Maxicab stand
Traffic SP chuan thupek chhuahin, AMC parking area, Ramhlun North-a maxicab ding ṭhinte chu AMC Parking No.52 (7), (8) leh (10), Bawngkawn Lunglei road-ah January 30, 2017 aṭanga ding vek tawh turin a ti. Thupek zâwm lote chu MV Act, 1988 hmanga hrem theih a ni.

Pump khâr dawn
All Mizoram petroleum Dealers Association (AMPEDA) chuan vawiin Rising Day cum Training an hman dawn avangin filling station-te khar a ni dawn.

MHIP dan bu
MHIP-in an dan bu an siam thar chu nimin khan MHIP pisaah Mizoram State Women Commission chairperson Vanlalawmpuii Chawngthu, MLA-in a tlangzarh.