Thlalaka intihsiak lawmman sem

State Climate Change Cell, Mizoram Science, Technology & Innovation Council (MISTIC), Directorate of Science & Technology leh Mizo Photographers' Society (MPS) ten an buatsaih Photography Competition on Climate Change-a tiṭhate hnenah nimin khan lawmman sem a ni.

Lawmman sem in­khawmah chief scien­tific officer Dr RK Lal­lianthanga'n intihsiakna buatsaih chhan a sawi a, "State Climate Change Cell-in sik leh sa inthlak danglam zelin ram a nghawng dante nasa takin a zir chiang mek a. Sik leh sá inthlak danglam zelin kan ramah pawh nghawng a nei nasa ve ta hle a, ruah sûr mumal lo te, ei leh bar thar chhuahna kawngah te, hriselna lam thuahte leh kawng dang chi hrang hrangin min nghawng a ni," a ti.

Thlalak intihsiaknaah hian mi 26 an tel a, thla­lak hrang hrang 76 a lut. Lawmman dawng­tute chu - pakhatna MS Dawngliana, Ngopa; pahnihna H Hming­chungnunga, Armed Veng South leh pathumna - Richard Zothankima Hrahsel, Chhinga Veng leh Malsawmtluanga, Tuikhuahtlangte an ni.