Luangmualah ár 500 chuang a thi

Luangmual West, Aizawlah tun hnai khan broiler ár 500 chuang a thi.

Ar thihna hmun hi AH&Vety department-a mithiamte'n an tlawh a, ár sample aṭanga an thih chhan an endik hnuah hri­léng pangngai tih an finfiah.

Ar thi tam ber chu Lalsangvela ar a ni a, January 25 aṭanga 27 chhung khan 450 a thi hman. Ar thite chu kg. 3 aṭanga kg. 5 inkar a ni hlawm a, Rs. 2,50,000 hû vela chhût a ni. Lal­sangvela ṭhenawmah ar vulha eizawng dang chhungkaw pathum an awm a, anni ho ar pawh a thi nual a ni.

Lalsangvela sawi dan­in, a árte chu nat lâwkna awm loin, chaw an chuk lai leh an awm mai mai laite'n an tlu tawp a, an thi mai zel a ni.

AH&Vety depart­ment-a mithiamte chuan nimin pawh khan Luang­mual West-a ar vulhna hmunte an tlawh a, ar vulhna bul hnaia ar talh tur state dang aṭanga lak luh ṭhinte chuan ar pûl hri a tileng nia an hriat thu an sawi a, "Chhan hriat loha ar thi reng rengte chu ei loh tur an ni," a ti.

AH & Vety department doctor-te chuan, ar vulh­­tute chu an ar him theih dan tur an hrilh a, damdawi hrang hrang an pe nghal a ni.