SSA sum tur hmuh avangin MPCC lawm
Congress party chuan thuchhuah siamin, School Education enkawltu minister H Rohluna leh parliamentary secretary Joseph Lalhimpuia ten New Delhi-ah Mizoram SSA sum tur nuai 7228 an nawr chhuak chu lawmawm an tih thu an tarlang.
MPCC thuchhuah chuan, January 10, 2017-a Joseph Lalhimpuia'n a pisaa thuthar lakhawmtute a kawmnaah, 'Sorkar hotute'n Central-ah sanction release tura nawr rengin, tunah hian cheng vbc. 71 hmuh mai kan beisei mek a ni,' tiin a sawi tih an tarlang a, "Mizoram SSA sum nuai 7228 lai Ministry of Human Resources Development aṭanga Minister leh Parliamentary Secretary-in an nawr chhuak hi an thawhrim rah liau liau a ni. State sorkarin a do let ve tur, state matching share-ah Mizoram sorkarin harsatna a nei ngai lo," an ti.
School Education Minister leh Parliamentary Secretary ten CSS hnuaia Hindi teacher-te hlawh tur leh an thawh hun pawh kum 10 dang chhunzawmtir tura Human Resource Development minister Prakash Javadekar an nawr zui pawh lawmawm an tih thu an tarlang bawk.