Essay & painting competition buatsaih

INTACH, Mizoram Chapter chuan INTACH head office-in India ram pum huapa ruahmanna a siam zûlzuiin January 28, 2017 khan Chaltlang High School-ah pawl 6-9 inkar tan essay inziahsiak leh lemziaka intihsiakna an buatsaih.

Painting Competition leh Essay Competition-ah hian thupui chu ‘My city, my heritage’ tih a ni a, intih­siaknaah hian sikul pariat aṭangin zirlai 41 an tel. A tiṭha zual 10-te chu National Winners atan puan an ni dawn a, New Delhi leh a chhehvel fanpui an ni ang. Regional Winners 100 thlan chhuah a ni dawn bawk. Essay leh lemziakte chu INTACH head office, New Delhi-ah endik vek tur a ni.

Intihsiak ṭan a nih hmain in­khawm tawi buatsaih a ni a, INTACH Mizoram Chapter co-conve­ner Chawngkunga'n heritage pawimawhnate a sawi.