LEIT Minister leh MYC Chairman Hrem loh chhan sawifiah an phût

MPC party ṭhalaite chuan, nimin khan an party pisaah thuthar thehdarhtute an kâwm a; NIAS, Kolkata nena MoU ziah leh Mizo zirlai 32 tirhnaah LEIT minister Lalrinmawia Ralte leh Mizoram Youth Commission (MYC) chairman T Sangkunga ten mawh an phur ngeia an hriat avangin an chunga action lak a nih loh chhan sawifiah turin Chief Minister an phût.

MPCY vice presi­dent VL Ṭhazova chuan, NIAS-a BHM zir tura zirlai 32 tirh chung­changah LEIT director hlui Rotluanga suspend a nih laia LEIT Minister leh MYC Chairman chunga action la loa sorkarin a hum tlat chhan sawifiah an phût tih a sawi.

VL Ṭhazova chuan, NIAS, Kolkata-a tirh zirlaite hma lam hun sorkarin a tihchhiatsak nia sawiin, zirlai rilru ná zawng zawngte thawi dam leh vek turin sorkar an phût tih a sawi bawk.