Nurse thiam loh chang thubuai titawp

Lunglei Civil Hospi­tal-a nausên piang thih chungchanga mawh­phurtua puh leh Lunglei Chief Judicial Magistrate-in thiam loh a chantir tawh, nurse K Lalbiakdiki w/o Vanlalpeka Ngente, Lunglei Rahsi Veng Lung­lei chu Helen Dawngliani ṭhutna Lunglei Addl. Dist & Session Court chuan a thubuai a tihtawpsak.

Thubuai hi Additional District & Sessions judge Helen Laldawngliani hmaah ngaihtuah nawn a ni a; K Lalbiakdiki ukil chuan, nausen thih chhana sawi, nurse duty inthlahdah vang tia sawi chu a dik lo nia sawiin, nausen chu thla ruk leh ni khat chauha piang a nih avangin damna chance a awm lo tluk niin a sawi a; doctor-te pawhin nausen enkawl danah nurse duty-te inthlahdahna hmuh tur a awm lo tih an sawi niin a sawi bawk.

Addl. District & Se­ssions Judge chuan, Lung­lei CJM-in July 13, 2016-a thuremna a lo tihchhuah tawh, K Lalbiakdiki thiam loh chantirna chu tihtawp a ni tih nimin khan a puang ta a ni.