KHAWTHLIR

ACH tlawh
Fire & Emergency Services-in, kângmei damdawi-in him leh him loh leh kângmei a chhuah palha himna tura hmalak dan tur an zirtirna kal mekah nimin khan Aizawl Civil Hospital an tlawh. Fire & Emergency Services mite chuan, ACH hotute chu kângmei venna atana tih tur pawimawhte leh kângmei a chhuah palha chêt lak dan tur hrang hrangte an hrilhfiah a ni.

Sava humhalh
Khamrang Village Council leh YMA chuan thuchhuah siamin, an ram chhunga sava leh luia cheng nungchate an humhalh thu an tarlang a, "Tunlai hian kan khaw ram chhungah silai hmanga sava veh an awm ṭhin a, hei hi khawtlang phal loh thil a nih avang­in ti lui lo turin kan ngen a ni," an ti. Silai hmanga sava veh lui an man a nih chuan an chungah eng pawh thleng se, sawi buai theih a nih loh tur thu an tarlang.

Mission Director
Mizoram sorkar chuan Serchhip DC ni lai, Dr Lalrozama chu National Health Mission-a Mission Director atan a dah thar. Hemi chung­changah order chu January 27, 2017 khan tihchhuah a ni a; Dr Lalrozama hian NHM Mission Director mawhphurhna a la thuai dawn nia thu dawn a ni.

Film workshop
Information & Public Relations department leh sorkar laipuia Films Division-te chuan, nimin khan Cultural Heritage Centre, Lungleiah film siam zirna workshop an buatsaih ṭan a, Films Division-a deputy director general Joshy Joseph-a'n workshop thil tumte a sawifiah.

Martyr's Day
Nimin khan India zalenna suala martar tate hriat rengna ni 'Martyr's Day' a ni a, he ni pual hian Mizoram hmun hrang hrangah chawhma dar 11 ah siren tihrik niin, martarte zahna lantirna atan minute hnih chhung ngawi renga din a ni. He ni pual hian Lawngtlaiah chuan DC conference hall-ah addl. DC H Dolianbuaia hoa hun hman a ni.