Siaha-ah induction training neih a ni

Administrtive Training Institute chuan, nimin khan Siaha district chhunga sorkar hnathawk group B leh C-te tan DC conference hall-ah Induction Training Programme an buatsaih a, Siaha DC Harleen Kaur-i'n a hawng.

Harleen Kaur chuan, Siaha district aṭanga Aizawla training tura kal dawnin, kal lam leh haw lam nen ni 3/4-te sên a ngaih ṭhin avangin, training kal thei lote an awm phah fo ṭhin tih a sawi a, "Hetianga kan kawtkaiah ngei kan district-a sorkar hnathawk group B leh Group C-te tana training ṭha tak ATI-in min buatsaihsak hi ka lawm tak zet. Training-a telte pawhin hetianga an tana hun remchang lo inhawng hi chhawr ṭangkai ngei tura an inbuatsaih ve a ṭul a ni," a ti.

Training hian February 11, 2017 thleng a awh dawn a, mi 35 an tel a ni.