Sikulah Film Kûtpui buatsaih ṭan

School Education department leh Children’s Film Society, India (CFSI)-te chuan nimin aṭang khan Aizawlah Film Kûtpui an buatsaih ṭan a, February 3 thleng an buatsaih dawn.

Film Kûtpui hi Aizawla sikul 12-ah neih a ni dawn a, zirlai naupangte chu zirtir nei tha film an entir ṭhin dawn a ni. Nimin khan a hmasa ber atan Edenthar Veng Primary School-ah neih a ni a, ‘Kima ro phûmrûk’ tih film chhuah a ni. Film Kutpui an neih leh zel turah Mama, Little Varju, Sunday leh The Friend tihte an chhuah ṭhin ang.

Film Kûtpui an neihna hmun turte chu - Dawrpui Vengthar M/S, Dawrpui P/S leh M/S, PC Girls School, Kulikawn M/S, Mary Mount School, Bawngkawn P/S-II, Zuangtui M/S, Bethlehem Vengthlang P/S-I, Ṭhiak M/S, Aibawk M/S leh MICE-te a ni.

Film Kûtpui neih pah quiz competition neih a ni bawk dawn a, quiz-a tel naupangte chu lawmman pek an ni ang.