Lunglei MNYF-in order copy an hâl

Lungleia MNF ṭha­laite chuan Lalliannguri, stenographer senior grade-I, a pension hnua Hnahthial SDO(C) pisaa rawih nawn an duh lohzia lantir nan nimin khan nimin khan Lungleia MNF pisa, Mizo Hnam Rûn kawtah Lal­liannguri appoinment order copy an hâl.

Lunglei MNYF chuan, Lalliannguri chu Lunglei High Powered Committee (HPC) vice chairman S Laldingliana, MLA farnu a nih thu an sawi a, "HPC Vice Chairman duhsakna uchuak tak pe a, Chief Secretary PS hna thawk reng chunga Hnahthial SDO Civil office-a awm tur anga appointment sorkarin a dah leh hi kan duh lo tak zet a ni," an ti.

MNYF hian sorkar chu thuneihna hmang sualah an puh a; an tarlan danin, Lalliannguri chu a pension hnuah, November 30, 2016-ah Hnah­thial SDO(C) pisaa thawk turin order a chhuak a ni.

Lalliannguri rawih nawn chungchangah hian Lunglei MNYF-te chuan a rang thei ang bera sut tur­in sorkar an phût a; sût vat a nih loh chuan a ṭul anga a tawp thlenga hmalak an tum thu an puang.