MYC leh Vision IAS hotute inkâwm

Mizoram Youth Commission (MYC)-in Super IAS 40 programme a kalpui hnuaiah nimin khan MYC chairman Dr Vanlalṭanpuia, MLA leh Vision IAS, New Delhi ma­nagement head Deepa­li Dutt Chaturvedi leh a thawhpuite MYC conference hall-ah an inkâwm.

MYC Chairman chuan, Mizo ṭhalaite tan New Delhi-a IAS coaching centre ṭha ber ber a duh thu sawiin, Vision IAS pawh a ṭha ber zinga mi a nih avangin Mizo ṭhalaite tan hmun siamsak tur leh an awmna turte ngaihtuahsak a, lo enkawl tura a duh thu a sawi.

Vision IAS hotute chuan, Mizo ṭhalaite chu seat an pek dawn bakah, an awmna hmun tur thlengin kawng an zawn tur thu an sawi.

MYC hian ṭhalai 40 a tirh turte chu coaching centre pakhatah dah vek loin sem darh a tum a, Vision IAS bakah coaching centre ṭha dangte pawh koh mek a ni.

MYC Chairman leh Vision IAS hotute hi chief minister Zoramthanga chuan nimin khan a pisaah a kâwm bawk.