Multipurpose Sports Complex hawn a ni

Deputy chief minister Tawnluia chuan nimin khan Vaivakawna Aizawl West Joint YMA Multipurpose Sports Complex a hawng a; Aizawl tlak lamah Music City siam mek a nih thu a sawi.

Tawnluia chuan, sorkar hmasain hnûhma chhunzawm tlak tak a hnutchhiah chu fakawm a tih thu sawiin, "Aizawl panna leh luhna kawtchhuah pawimawh tak, highway leh railway-te pawn hmasawn zelin, Aizawl west hi area pawimawh tak a la ni chho zel dawn a. Sorkar chuan ṭhalaite hmakhua ngaihtuahin, Smart City project kaltlangin Aizawl west area-ah Music City siam mek a ni," a ti.

Hawnna inkhawmah hian khualzahawm minister of state Robert Romawia Royte leh khual thlengtu minister of state Lalruatkima te pawhin thu an sawi a; Lalruatkima hian Aizawl West Joint YMA hnenah table tennis dawhkan pathum a hlân nghal a ni.

Multipurpose Sports Complex hi January 3, 2017 aṭangin Lushai Engineers-in sa ṭanin, January 16, 2021-ah an sa zo a, a sak nan North Eastern Council aṭanga sum hmuh nuai 959.71 hman a ni.