Kawnpui College chungchangah lâwm

ZPM Ṭhalai chuan nimin khan thuchhuah siamin, Kawnpui College atan university affiliation tihfel a ni ta chu lawmawm an tih thu leh, nasa taka ṭan latu bialtu MLA Andrew H Thangliana hmalakna chhuanawm an tih thu an tarlang.

Mizoram University (MZU) inspection team leh HTE Director-te'n Kawnpui College an endik hnuah MZU affiliation tihfel a ni chu lawmawm an tih thu sawiin ZPM Ṭhalai chuan, "Hma latu zawng zawng chungah lawm­thu kan sawi a, college-a thawkte hlawh ngaih­tuahsaktu Pu Andrew H Thangliana, bialtu MLA kan chhuang tak zet a ni," an ti a; Principal leh bialtu MLA ṭhahnemngaihnain computer class hawn belh a nih thu an sawi.

ZPM ṭhalaite chuan, ṭhalaite tana zirna ngai pawimawhtu leh a ngaih­na hria MLA an nei chu thlamuanthlak an tih thu leh, college tana sûlsutu hmasa, bialtu MLA hmasa zawk Hmingdailova Khiangte leh a thawhpuite chungah lawmthu an sawi bawk a ni.