Mizoramah mi 8,54,725 hnenah Covid vaccine dose 15,93,694 pe tawh

Mizoramah May 14, Inrinni thleng khan mi 8,54,725 hnenah Covid-19 vaccine dose 15,93,694 pek a ni tawh a; kum 18-44 inkar mi 4,71,255 hnenah dose 8,48,308 pek tawh niin, vaccine pekna hlâwm ṭhenah pek tam ber an ni.

January 16, 2021 khan Covid-19 vaccine pek ṭan a ni a, May 14, 2022 thleng khan Mizoramah mi 8,54,725-in Covid-19 vaccine an la tawh a, chu'ng zinga mi 6,95,507-in second dose an la tawh. Dose hnihna la tawh zinga mi 1,20,955-in precautionary dose an la tawh a, chu'ngte chu healthcare worker 7,573, frontline worker 12,977 leh kum 60 chung lam 22,912 an ni.

IDSP tarlan danin, Mizoram sorkarin hmun a buatsaih hrang hrangah Covid-19 vaccine dose 15,89,008 pek a ni tawh a, dose khatna 8,52,510, dose hnihna 6,95,507 leh precautionary dose 43,253 a ni. Private facility-ah dose 4,686 pek a ni tawh a, dose khatna 2,215, dose hnihna 2,262 leh precautionary dose 209 a ni. Private facility-ah hian hun eng emaw chen chu vaccine dose khatna la an awm tawh lo.

May 14, Inrinni khan Covid vaccine dose khatna 68, dose hnihna 91 leh precautionary dose 29, a vaiin dose 188 pek a ni a; chu'ngte chu healthcare worker hnena pek dose li, frontline worker hnena pek dose hnih, kum 12-14 inkar dose 124, kum 15-17 inkar hnena pek dose 29, kum 18-44 inkar hnena pek dose nga, kum 60 chung lam hnena pek dose khat leh precautionary dose 22 a ni.