Cheng nuai 16 hu heroin man
Mizoram Police-te chuan, nimin zing khan Power House, Electric Venga maxicab stand-ah heroin hawng 32 an man a, tualchhunga hralhnaah chuan cheng nuai 16 hû a ni.
Mizoram Police-te hian an thu dawn bawhzuiin, Zokhawthar aṭanga Aizawla tlan maxicab MZ 01 K, 1507 aṭangin an man a, a neitua puh James Lalnunchhara (31) leh Tin Siak Ril (26), North Tripura mi ve vete man nghal an ni.
Police hotute hnen aṭanga thudawn danin, James Lalnunchhara leh Tin Siak Ril-te hian anmahnia an phurh ngam loh avangin, maxi cab-ah hian man chawiin an phurhtir a ni.
Thudawn danin, heroin neitua puh James Lalnunchhara leh Tin Siak Ril-te hi police-te'n hun rei tak an lo veh tawh motor chi hrang hrang leh maxi mab service ṭhenkhatte hmanga Aizawla ruihhlo phur lut ṭhina hriat an ni.
Ruihhlo neitua puh mi pahnihte leh a phurhna atana hman maxi mab driver-te hi ND&PS Act tlawh chhanin thubuai siam sak an ni.