JESAM-in conference hmang

Junior Engineer Service Association of Mizoram (JESAM) chuan, nimin khan Tourist Lodge, Chaltlangah conference vawi hnihna an hmang a, Finance minister Lalsawta'n a hmanpui.

Finance Minister chuan, department hrang hranga junior engineer-te chu sorkar hnathawk dang­te ang thoin an chungah sorkarin beiseina sang tak a neih thu hrilhin, an awmna apiangah ṭhahnemngai taka thawk zel turin a chah a; an pawlin harsatna an neihte chu sorkarin a ṭul anga a enfiah tur thu a sawi.

JESAM conference hi an president JK Duailova’n a kaihruai a, general secretary Lalthanliana’n report pein, JESAM-ah member 571-an awm mek thu a sawi a ni.