Aadhaar card B&W a rintlak

Unique Identification Authority of India (UIDAI) chuan, Aadhaar card-ah original bik a awm loh thu sawiin, a print chhuahnaah colour kher ni lo, black & white pawhin print chhuaha hman theih a nih thu a tarlang.

UIDAI chuan, tun hnaiah Aadhaar card print chhuahnaah mipui aṭanga pawisa tam tak tak la ṭhin an awm a, Aadhaar card print chhuaka sumdawng an awm tih hriat a nih thu a tarlang a, "UIDAI aṭanga Aadhaar card dâka thleng leh black & white print chhuah chu a intluk reng a ni," a ti.

UIDAI tarlan danin, Aadhaar card original bik a awm lo a, laminate/card paper-a print kher lo pawhin kan Aadhaar number dik tak chuanna a nih chuan paper pang­ngaia print pawh a hman theih vek a ni.