KHAWTHLIR

SIRD hming thlak
State Institute of Rural Development (SIRD) tih ṭhin chu State Institute of Rural Development & Panchayati Raj (SIRDPR) tia thlak a ni. SIRD hming thlak hi chief secretary Lalmalsawma hoa thuneitute ṭhukhawm-in an rêl a ni.

DC pisaah AQI
Mizoram sorkarin boruak thianghlim zawng tehna khawl, air quality monitoring system a chah thleng mek. Khawl pakhat chu Aizawl DC pisa kawtah dah niin, hman a ni tawh a, a dang pali pawh Aizawl khawpui hmun hrang hrangah dah a ni dawn. Aizawl boruak dinhmun, air quality index (AQI) hi http://breathe.indiaspend.org leh http://api.indiaspend.org/dash... ahte eng lai pawhin en theih a ni.

Investor Summit
January 29-30, 2017 chhung khan Shillong-a State Convention Centre-ah 1st. NE Investor Summit neih a ni a, Union Textiles minister Smriti Zubin Irani-a'n a hmanpui. Summit-ah hian Mizoram aṭangin Commerce & Industries minister H Rohluna, parliamentary secretary Joseph Lalhimpuia, secretary Zothankhuma leh director J Hmingthanmawia leh mi pawimawh dangte an tel.

Thisen pe
Inter College Youth Adventure Club chuan, nimin khan Aizawl Civil Hospital-ah blood donation camp an huaihawt a, mipa 91 leh hmeichhia 29-te'n thisen unit 120 an pe.

Vawktê sem
Mamita AH&Vety department chuan, nimin khan Mamit khawpui chhunga NLUP hnuaia vawk vulh thlangtute chhungkaw 19 hnenah vawk notê an sem. Vawktê hi NLUP third leh fourth phase hnuaiah chhungkaw 19 hnenah pathum ṭheuh pek a ni. Mamit district-ah hian NLUP-a vawk vulh thlangtu chhungkaw 677 an awm.