Thenzawl mite sample la nawn

Lawngtlai district mi pahnih, Covid-19 veite'n Lawngtlai an panna kawngah Thenzawla an chawlh avang leh thil an lei avanga Thenzawla mi leh sa an kai chhàwn theih tura rinte swab sample chu endik a nih tawh hnuah, endik nawn leh turin nimin khan lak leh a ni.

Lawngtlai district mi pahnihte an haw kawnga an chawlhna Thenzawl Field Venga Jon Jon Restaurant neitu leh thawktute bakah, a bula dawrtê nghaktu, an vaiin mi 12-te swab sample chu July 4 khan lak niin, endik nghal a ni a, Covid-19 an vei lo vek tih hmuh a ni. Fimkhur thilah mi 12-te sample chu nimin khan lak nawn leh vek a ni a, Ser­chhipah thawn nghal a ni. Thenzawl aṭanga thu dawn danin, swab sample-te chu Serchhip aṭangin Zoram Medical College-ah endik tura thawn a ni ang.