Salvation Army Prayer Walk Sàwleng thleng kal turin an chhuak

Salvation Army (SA) India Eastern Territory chuan, an kum 100 tlin lawm nan nimin khan Prayer Walk/March of Witness an hmang ṭan a; Sàwleng thleng kea kal turin chawhma dar 10-ah Aizawl Temple aṭangin an chhuak.

Prayer Walk/March of Witness-ah hian mi ṭhahnem tak an kal a, Territorial headquarters, Tuikual aṭangin territorial commander Commissioner Lalngaihawmi'n a vai liam. Territorial headquarters aṭanga an chhuah hnuah, Aizawl khawpui chhung kawngpui berah kalin, Aizawl an chhuahsan a ni.

Ruahman dan chuan, Prayer Walk-a kalte hi February 4, 2017-a Sawl­eng thleng tura beisei an ni a, nizan khan Tuirial community hall-ah an riak. Vawiinah Tuirial aṭanga chhuakin, zaninah Mualmam community hall-ah riah an tum a, nak-zanah Khawruhlianah riah leh an tum a; February 4 chaw­hnu dar 2 velah Sawleng thlen an tum a ni.

Fenruary 4 tlaiah Sawlenga SA Holy Land (hmun thianghlim)-ah inkhawm an buatsaih dawn a, Centenary lawmna ruai an ṭheh nghal dawn. Zanah Sâwleng Corps biak-inah inkhawm an nei leh ang a, February 5-ah nilengin an inkhawm leh bawk ang.