Silk pangang khawi zirtir

State Agricultural Management & Exten­sion Training Institute (SAMETI) chuan, nimin khan Agriculture confe­rence hall, Serchhip­ah 'Commercial Silkworm Rearing and Disease, Pest Management' an buatsaih a, Serchhip DC Dr Lalro­zama'n a hmanpui.

Dr Lalrozama chuan, "Mithiamte'n kan tual­chhung ngeia min rawn kal chilh a, zirtirna min rawn pe tur hi a lawmawm tak zet. Training hi phûr thut thila buatsaih mai theih thil a ni lo tih hre chungin chhawr ṭangkai ngei tur inbuatsaih a, mi dangte pawh la zirtir chhawng thei turin theihtawp chhuah ang che u," a ti.

Sericulture depart­ment-a thawktu te, Ser­chhip leh Chhiahtlanga silk pangang khawitu mi ṭhahnem tak an tel a; silk pangang enkawl dan an zirtir a ni.