ACB-in thil dik lo chhui chhuah beisei

Mara Democratic Front & MNF Coordination Committee, Siaha chuan thuchhuah siamin, Mara Autonomous District Council (MADC) sorkarah sum hman dan dik lo leh eirukna hluar lutuk chhuia ACB-in MADC sorkar an enfiah mek chu lawmawm an tih thu leh, ACB-chuan thil dik lo an hmuh chhuah ngei an beisei thu an tarlang.

MNF & MDF Coordination Committee tarlan danin, MADC sorkara eirukna a awm nia an hriat avangin MNF general headquarters-a Legal Cell/Vigilance Committee-in hma an la a, chumi kal zelah chuan ACB-in MADC sorkar chu an enfiah mek a ni. Mara mipui pawhin thil dik lo awm chu an hre chiang hle niin an sawi.

MNF & MDF Coordination Committee chuan, MADC-a officer leh thawktu ṭhenkhatte chu zan khaw tairek thleng leh Pathianni pawh thlu loin an eiruk thup nan office kal tira hna thawhtir an ni tih an sawi a, "Coordination Committee chuan pawi a ti tak zet a, ram hmasawnna tur ni loah mahni thil ti dik loh thup mam nan hetianga thil tih hi tun hnuah chuan awm tawh lo se kan duh," an ti.