Thenzawlah saphai man
May 15, Pathianni zan dar 8 vel khan Thenzawl Field Venga kawngpui sir tuihawk luankawrah saphai ft. 13-a sei man a ni.
Thu dawn danin, kawngpuia lirtheia tlante'n saphaiin kawng a kân lai hmuin an man a, Thenzawla Forest department hotute hrilh nghalin, Thenzawl Forest range officer Lalthantluanga leh a thawhpuite'n saphai chu zan dar 8:30 vel khan báwmah khungin an la a, Thenzawl DFO Complex-ah an dah nghal a ni.
Thenzawl Forest DFO Lalbiakchama Chawngthu chuan, Aizawl Sahuanah saphai a awm sa tawh avangin saphai man chu Sahuana dah a remchang chiah lo niin a sawi a, "Hotu liante nen inberáwnin, hun remchang hmasaah mihring tana hlauhawm phâk lo leh mihring leh saphai tan pawha hmun hima ngaihah chhuah mai tum a ni," a ti.