International Museum Day lawm a ni

India zalenna kum 75-na lawmna, Azadi Ka Amrit Mahotsav pualin India ram pumah chawlhkar khat awh tur 'International Museum Day' lawm mek a ni.

Museum Day pual hian Mizoram State Museum pawh nimin khan a duh apiang tlawh theiha hawn niin, vawiinah hawn chhunzawm a ni ang.

International Museum Day - May 18, Nilaini hian Mizoram State Museum-ah Mizo rimawi hmanrua hrang hrangte a hman dan a taka entir a ni dawn bawk.