DC hoin kawng sawiho a ni

Nimin khan Kolasib DC John LT Sanga hoin Vairengte leh a chhehvela National Highway (NH) no. 306 kawngpui siam thar, ruah sur nasat avanga tun hnaia chhia chungchanga hmalak dan tur sawiho a ni.

Ṭhutkhawmah hian Vairengte khawtlang hruaitute chuan, NHIDCL kawng siam NH-306, North Chhimluang leh Vairengte inkar chu ruahsur avangin a chhiat thu sawiin, thawm ṭhat vat a ṭul thu an tarlang a ni.

Vairengte SDO (Civil) kaihhruaina hnuaiah kawng chhe lai endik nghal turin an rél a, endiknaa tel turin PWD Highway Division, Vairengte Joint VC, Joint YMA leh NHIDCL aiawhte tel turin an ruat.

Tun hnaia ruahsur avangin North Chhimluang leh Vairengte inkar kawng a nâlin a chhe hle a, bungraw phur leh lirthei veivakte'n harsatna an tawh phah a ni.