MSU-in Kamalanagar College hming Chawngte College tia thlak an duh

May 12-13, 2022 chhunga Thingsai khuaa Mizo Students' Union (MSU) Federal Body Meeting chuan, Kamalanagar College tih chu Chawngte College tia thlak a nih theih nan hmalak an rél.

College hming thlak chung changah hian MSU Gen.Hqrs president J Lalmuanzuala chuan, Chawngte khuaa veng pakhat hminga college hming dah a ni chu hriatthiam har an tih thu sawiin, "Hnam bil anga kan zirna-in sang ber dah a ni hi MSU chuan ṭha kan ti lo a, sorkarin Govt. Chawngte College tia a thlak lo a nih chuan MSU chuan kan thiam dan angin kan thlak ang," a ti.

MSU Federal Body Meeting hian, 'Mizoram chhunga public sector undertaking (PSU) hnuaia hnathawkte local language proficiency MSU-in chhui chiang rawh se,' tih leh 'Mizo zirlaite tan special scholarship scheme siam a nih theih nan MSU-in hma la rawh se' tihte an pawm bawk.