Tlangram hmasawnna tur sawihona UDPA Minister-in a hawng

Ni hnih awh tur, 3rd. International Congress on Green Urban Futures Mountain & The City of India (ICGUFM&C) chu nimin khan International Centre, New Delhi-ah ṭan a ni a, UDPA minister Zodintluanga'n a hawng.

Zodintluanga chuan, tlangram khawpuite tan sorkar laipuiin a kalpui mek, ‘One size fits all’ hmang lo a, Himalayan Mountain-te pual bika hmasawnna tur ruahmanna siam a ṭul thu a sawi a, "ICGUFMC khawmpui hi hma thar ṭha leh rah ṭha tak tlangrama chengte tan a thlen ngei ka beisei," a ti.

UDPA Minister hian webiste siam thar mountaincities.org tih a tlangzarh nghal a ni.

Inkhawmpuiah hian MP, sorkar laipuia sec­retary, Himalayan region-a state hrang hrang secretary te, National Disaster Management Authority hotute bakah, ram páwn aṭangtein an tel a; tlangram hmasawnna tura mithiam hrang hrangte'n ruahmanna an siamte sawiho a ni.