Rangkachak nuai 31.2 hû man

Aizawl Customs Division-a Anti-Smugg­ling Unit chuan, Nilai­ni khan Aizawl aṭanga Guwahati pan tur Net­work Travels bus aṭangin rangkachak cheng nuai 31.2 hû an man.

Anti-Smuggling Unit hian an thu dawn bawhzuiin Net­work Travels bus chu Phunchawngah tidingin an lo dap a, trolly siam danglam chhungah rangkachak gram 10638.940 an man a ni. Rangkachak man kaihhnawihah Ginlammang (48) s/o Sawnkhanthang (L), Myanmar an man nghal a, a mawhphurtu ber chhui mek a ni.