Lirtheia himna chungchang sawiho

Nimin khan Lal Than­hawla Auditorium-ah lirthei khalhtute hriat tur pawi­mawhte inzirtirna leh sawihona, Road Safety - Time for Action tih thu­­pui hmanga buatsaih a, Transport minister John Ro­tluangliana'n a hmanpui.

John Rotluang­liana chuan, Mizoramah kawng­puia himna lama hma­lakna a la rei lo tih sawiin, "Sorkar laipui thupek angin State Road Safety Council leh District Road Safety Council din a ni tawh a, lead agency hrang hrang - Transport, Police, Health & Family Welfare, PWD leh School Education department-te nen ṭanghoin hna thawh a ni dawn," a ti.

Mizoram chu tlang ram chhengchhe tak, kawngpuite pawh chhuk chho tak tak leh kual tak a nih thu sawiin Transport Minister chuan, "Hetih lai hian, accident tamna chu kawng ṭhatna lai a ni tlangpui a, hei hian kan fimkhur tâwk lohzia a tilang a ni," a ti a; lirthei khalhtute leh mipuite chu traffic dan leh hraite zâwm hram hram turin a chah.

Seminar hi Ministry of Road Transport & Highways, Association of State Road Transport Undertakings leh Mizoram State Road Safety Council-te bultuma buatsaih a ni.