NIAS-ah MZP leh MSU tirh a ni dawn - Chief Minister

Chief minister Lal Thanhawla chuan, NIAS, Kolkata chu zirna in lem a nih leh nih loh a hmuna enfiah turin MZP leh MSU aiawh mi pahnih ve ve tirh a nih tur thu a sawi.

Nimina Serchhip district MJA conference a hmanpuinaah Chief Minister chuan, NIAS-ah hian LEIT department-in zirlai 32 an thawn tih sawiin, "Heng zinga zirlai 28 hian kum 2015 khan first year an exam a, an zinga paliin an chhuahsan a, May thlaa graduation exam nei mai tur pawh an la awm," a ti.

NIAS-a Mizo zirlai tirh zingah mi fel tawk lo an awm nia sawiin, Lal Thanhawla chuan, chu'ng mite thu chu MNF party-in an la niin a sawi a; Minister leh MLA-te thil tisual ve lo an dang tlat chu ṭha lo a tih thu leh, NIAS chu West Bengal sorkara in register a nih thu a sawi bawk.