Maxicab chesualah mi 2 thi

November 24, Thawhlehni tlai dar 4:30 vel khan Thenzawl leh Aizawl inkara tlan ṭhin maxicab MZ06 6940 chu Thenzawl khaw daiah chesualin kawng thlangah a tlân liam a, chuang zinga mi pahnih chu Thenzawl damdawi-in thlenpui an nih hnuah an hliam tuar loin an thi.

Thu dawn danin, maxicab hi B Lalzarmawia, Thenzawl Model Veng ta a ni a, mi pasarih - puitling panga leh naupang pahnih an chuang. Mitthite chu B Rosangzuala (19) s/o B Sangzika, Thenzawl Venghlun leh Lalthanchuanga (18) s/o Thanchungnungi, Thenzawl Vengthlang te an ni a; mi dangte pawh an hliam a, an na lutuk lo thung.

Maxicab-a chuangte hi Thenzawl Venghlun pa pakhat ramchhuak, khàma lum lâk chhuah tuma kal an ni a, motor dang nen an intawhnaah an chesual ta nia thu dawn a ni.