Vawk kah râi programme tlangzarh

Nimin khan Mara Autonomous District Council (MADC) chief executive member (CEM) N Zakhai chuan Siahaa AH & Vety pisaah vawk kah râina prog­ramme (artificial insemination in pig) a tlangzarh.

N Zakhai chuan, kum tam tak hnua a vawi khatna atan Siahaa AH&Vety pisain vawk kah rai programme an kalpui thei tur chu lawmawm a tih thu a sawi a, "Pathian ṭanpuina leh DVO, VO leh staff-te thawhrimna rah liau liau a ni. AH&Vety hmalaknain hun rei lo têah Siaha district hi vawk saah kan intodelh thuai beiseina sang tak ka nei," a ti.

Artificial insemination programme hi kum 2011 khan Satellite Board Semen Station Programme hnuaiah hmalak ṭan a ni a, Cattle Breeding Farm, Siahaah din a ni. PRRS léng vangin kum eng emaw zat a hlawh­chham hnuin, kum 2019-ah tharthawh leh a ni a, Vety office complex-ah sawn niin, tunah hian a chi thlahtu tur vawk pa pahnih (Landrace leh Yorshire) an puitling tawh.