RD minister inhmuh­khawmna­ah Ruatkima

Ministry of Rural Development (MoRD)-in hmarchhak state-a Rural Development (RD) minister-te pualin nimin khan Guwahati-ah Regional Review Conference an buatsaih a, Union Minister of Rural Development Giriraj Singh-a’n a kaihruai a, Mizoram aṭangin RD minister Lalruatkima a tel.

Review Conference-ah hian MoRD hnuaia scheme leh programme hrang hrang - MGNREGA, PMAY-G, NRLM, DDU-GKY & RSETI, PMGSY leh a dangtea hmalakna sawiho a ni a; state tin hmalakna leh hmachhawpte thlirho a ni.

Lalruatkima chuan, scheme hrang hranga Mizoram hmalakna leh hmachhawpte a tarlang a; MoRD hnuaia kawng hrang hranga Mizoram sorkarin sorkar laipui duhsakna a dawn leh hmalakna tur fund ṭha taka a pek ṭhin avanga a lawm thu a sawi a, Mizoram mamawhte a sawi bawk.

Minister Lalruatkima hi RD secretary R Zarzosanga, MzSRLM chief executive officer H Lalchhandami leh official dangte’n an ṭawiawm a ni.