State Referral Hospital-ah mi 46 an awm mek

State Referral Hospital (SRH)-ah nimin khan Covid-19 vei hmuh chhuah thar mi 23 dah luh an ni a, hripui vei rinhlelh thilah mi pali dah luh an ni bawk. SRH-ah hian Covid-19 vei mi 46 - mipa 42 leh hmeichhia pali  enkawl mek an ni a, kum 3-56 inkar, Aizawl district mi vek an ni. An zingah khawsik leh thaw-hah nei mi pahnih an awm a, ngaihtuahawm erawh an ni lo tih SRH-ZMC Bulletin chuan a tarlang. Nimin thleng khan SRH-ah hian Covid-19 mi 98 dah luh tawh niin, mi 52 chu an chhuak leh tawh a ni.