Cable TV digitization phase III-a Awmte tan channel encrypt chauh

Sorkar laipui thu anga cable TV digitization kalpui mekah, Mizorama Phase-III hnuaia awmte chu hun tiam a tawp tawh avangin Mizorama cable TV operator-te chu channel encrypt loh pe chhuak lo tura hriattir an ni a, pe chhuak lui an awm chuan an chungah hremna lekkawh a nih tur thu sorkar thuchhuah chuan a tarlang.

Sorkar thuchhuah tarlan danin, cable TV digitization kalpui mekah hian Mizorama Phase-III hnuaia awmte chu January 31, 2017-ah set top box tel loa pek chhuah hun a tawp a; cable TV operator-te chu hum tiam ral hmain channel encypt tifel vek tura beisei an ni.

Cable TV digitization phase-III hnuaiah hian Mizoramah Zawlnuam, Mamit, Lengpui, N.Kawnpui, Vairengte, Bairabi, Kolasib, Darlawn, Sairang, Aizawl, Saitual, Khawzawl, Khawhai, Champhai, Biate, Serchhip, Thenzawl, North Vanlaiphai, Tlabung, Lunglei, Hnahthial, Lawngtlai leh Siaha-te an awm.

Phase-IV hnuaiah chuan thingtlang khuate an awm a; anni tana hun tiam chu March 31, 2017 a ni.