Neitu thinlung púa thawh a ṭul - Dy CM

Nimin khan Adminis­trative Training Institute (ATI) auditorium-ah Mizo­ram Civil Service (MCS) Foundation Training khârna inkhawm buatsaih a ni a; khuallian Tawnluia, deputy chief minister chuan, neitu thinlung pu chunga hna thawh a ṭul thu sawiin, MCS officer training zo tharte chu an theihtawp chhuaha mipui tana rawngbawl tur leh an hnathawhna tinrengah theihtawp chhuah turin a chah.

Deputy CM chuan, sorkar hnathawh phungah insawn chángte a awm ṭhin tih sawiin, "Chu'ngah chuan sorkarin min dahna apianga awm zel tura rilru siam a pawimawh. Sorkar hnathawk officer leh officer ni lo zingah awm duhna bik nei tlat te, khawpui chhuahsan tum lo ang maia awmte an awm ṭhin hian rorel an tiharsa a, mipui tan harsatna an siam bawk. Staff emaw, officer emaw pakhat awm loh vanga sorkar hna a kal thei lo anga ngaihna awm ṭhinte hi sorkar hnathawh phungah thil tih dan tur a ni lo," a ti.MCS Foundation Training hmang zo chiahte hi MCS 2019 batch an ni a, training regulations-in a sawi angin thla 12 chhung training  an nei a ni.