Resham Krishi Mela buatsaih

Research Extension Center, Aizawl; Central Silk Board leh Sericulture department ṭangho chuan nimin khan Sericulture dept. conference hall-ah Resham Krishi Mela an buatsaih.

Mela hawngtu Sericulture minister Dr. BD Chakma chuan, Central Silk Board kaltlanga Ministry of Textiles-in maimaw pangang khawitute ṭanpuina a rawn pe chu lawmawm a tih thu sawiin, maimaw pangang khawitute chu reeling machine an hman thiam chuan an sum thawh chhuah kawngah nasa takin a puih theih tur thu a hrilh.

Dr. BD Chakma sawi danin, maimaw pangngang khawitute'n reeling machine tlawm zawka an lei theihna atan 75% chu sorkar laipuiin a tum sak thei dawn a ni.

Mela-ah hian maimaw pangang khawi dan, a hmanrua, maimaw aṭanga thil siam chi hrang hrang leh thingtlanga sericulture lama hmalakna hrang hrang tarlana thlalak tar chhuah a ni.