Tribal Sub Plan siam dan tur sawiho a ni

Serchhip District Planning and Monitoring Committee chu nimin khan an chairman, Ser­chhip DC Dr Lalrozama hoin a pisaah an ṭhukhawm a; Serchhip Dis­trict Tribal Sub Plan (TSP) siam dan tur an sawiho.

Dr Lalrozama chuan, scheduled tribe-te ṭan­puina atan Conso­lidated Fund of India aṭangin grant-in-aid chheh hran theihna dan, India danpui Article 275(1) ah siam a nih thu sawiin, "Chumi behchhan chuan sorkar laipui chuan Ministry of Tribal Affairs kaltlangin scheduled tribe awmna state-ah kum tin ṭanpuina a ruahman ṭhin a ni. Tun sorkar kum kal mekah pawh Mizoram tan eng emaw zat dah ve leh niin Serchhip district tan bik pawh cheng151.29 vel ruahman a ni," a ti.

Serchhip DC chuan, sum ruahmante chu sorkar laipui duh dan angin mipuite dâwmkanna kawng hrang hrangah hman tur a nih thu a sawi a; department hrang hrangte chu an pawisa hmuh turte district tana thil ṭangkai leh mipuite dawmkanna tling ngei ruahmanna siam nan hman tum turin a chah.

Serchhip district-a Article 275(1) sum hman theihna tur kawngte chu - education, health, agri­culture, horticulture, AH&Vety, fisheries, industries, social welfare leh sport lamahte a ni.